Van Deyk: "Klub to'g'ri qaror qabul qilishiga to'liq ishonaman"

"Liverpul" markaziy himoyachisi va sardori Virjil van Deyk "Feyenoord" bosh murabbiyi Arne Slot haqida fikr bildirdi.

Eslatib o'tamiz, avvalroq niderlandiyalik mutaxassis Yurgen Klopp ketganidan keyin mersisaydliklar klubini boshqarishi haqida xabar berilgandi.

"Hozircha hech qanday rasmiy e'lon yo'q, ammo Slot "Liverpul"ning keyingi bosh murabbiyi bo'lishi haqida mish-mishlar bor.

Ko'raylikchi. Oldinda bizni ikkita muhim o'yin kutib turibdi, mavsum yakunlangach, kelajakka e'tibor qaratamiz.

Katta o'zgarishlar kelayotgani aniq. Menimcha, bu qiziqarli bo'lishi kerak. Men “Liverpul” sardoriman va bu erga kelgan har bir kishiga yordam beraman.

Qolgan narsalarga kelsak, men klub to'g'ri qaror qabul qilishiga to'liq ishonaman", - deya Virjil van Deykning so'zlarini keltiradi This is Anfield.