A seriya. «Roma» - «Yuventus», «Milan» - «Jenoa» o'yinlarida durang qayd etildi

Italiya chempionatining 35-turidan o'rin olgan navbatdagi o'yinlar kecha oqshom bo'lib o'tdi.

«Milan» o'z maydonida «Jenoa»ni qabul qilib, jangovar durangga imzo chekdi (3:3). Rimda bo'lib o'tgan «Roma» va «Yuventus» klublari o'rtasidagi bahsda ham durang qayd etildi (1:1).

"Milan" 71 ochko bilan jadvalda 2-o'rinni egallab turgan bo'lsa, "Yuve" 5 ochko ortda qolgan holda 3-pog'onani band etgan. "Roma" esa 60 ochko bilan 5-o'rinda bormoqda. Rimliklar 4-pog'onadagi "Bolonya" 4 ochko ortda qolishmoqda.

Italiya chempionati, 35-tur
Milan – Jenoa 3:3 (1:1, 2:2)
Gollar: 0:1 – 5, penalti Retegi, 1:1 – 45 Florentsi, 1:2 – 48 Ekuban, 2:2 – 72 Gabbiya, 3:2 – 75 Jiru, 3:3 – 87, avtogol Tiav.
Milan – Sportello, Florentsi (Kalulu, 80), Tomori, Gabbiya, Ernandes, Bennaser (Adli, 80), Pulishich, Reynders, Rafael Leau (Okafor, 67), Chukvueze (Tiav, 81), Jiru.
Jenoa – Jozep Martines, Spens, Volyakko (Chittadini, 86), Vaskes, de Vinter, Aaron Martin (Xaps, 74), Badel (Strotman, 74), Torsbyu, Frendrup, Ekuban (Papadopulos, 87), Retegi.
Ogohlantirishlar: Reynders (43), Vaskes (90+4).

Roma – Yuventus 1:1 (1:1, 0:0)
Gollar: 1:0 – 15 Lukaku, 1:1 – 31 Bremer.
Roma – Svilar, Kristensen, Lorente, Ndika, Anxelino, Paredes, Kristante, Pellegrini (Bove, 78), Baldantsi (Azmun, 68), Dibala (Zalevski, 46), Lukaku (Abraxam, 68).
Yuventus – Shchensni, Danilo, Bremer, Gatti, Kambyazo (Alkaras, 85), Vea (Kostich, 61), Rabo, Lokatelli, Makkenni, Keza (Kin, 76), Vlaxovich (Milik, 76).
Ogohlantirishlar: Vea (4), Rabo (71), Abraxam (84).