"Chelsi" "Napoli" yulduzini qo'lga kiritish yo'llarini izlamoqda

"Chelsi" "Napoli" hujumchisi Viktor Osimxenni qo'lga kiritish yo'llarini izlashda davom etmoqda.

25 yoshli futbolchining shartnomasida tovon puli 130 million evroni tashkil etadi, ammo London klubi boshqa o'yinchilarni qo'shib, shartnoma narxini pasaytirmoqchi. Insayder Janluka Di Martsioning so'zlariga ko'ra, "Chelsi" "Napoli"ga 80-90 million evro, shuningdek, Romelu Lukaku va bir yosh futbolchi taklif qilishi mumkin. Manba bergan xabarga ko'ra, klublar o'rtasidagi ilk aloqalar allaqachon amalga oshirilgan.

Viktor Osimxenga "PSJ" ham qiziqish bildirmoqda.

Romelu Lukaku hozirda "Roma"da ijara asosida o'ynamoqda.