"Milan" portugaliyalik murabbiylardan birini tanlashi kerak

"Milan" Stefano Pioli o'rniga asosiy nomzod sifatida uchta portugaliyalik murabbiyni aniqlab oldi.

“Rossonerilar”ning amaldagi murabbiyi mavsum yakunlanganidan keyin o'z lavozimini tark etishi kutilmoqda. SportItalia xabariga ko'ra, "Milan"ning qisqa ro'yxatini hozirda Serjiu Konseysau ("Portu") va Paulu Fonseka ("Lill") asosiy da'vogar, uchinchi variant esa Ruben Amorim ("Sporting Lissabon") bo'lib turibdi. O'tgan yozda "Vulverxempton"ni tark etganidan beri ishsiz yurgan Xulen Lopetegi avvalroq bu lavozimga favorit hisoblangandi, ammo "Milan" muxlislari ispaniyalikning tayinlanishiga ochiqchasiga qarshi chiqishdi.

"Milan" A Seriya turnir jadvalida ikkinchi o'rinni egallab turibdi va chempion "Inter"dan 19 ochko ortda qolmoqda.