Ezzalzuli "Barselona"ni tark etishi haqida: "Betis" bilan shartnoma imzolaganimdan afsuslanmayman"

Hozirda "Betis"da o'ynayotgan Abde Ezzalzuli "Barselona"dan Sevilya klubiga qanday o'tganini esladi. Marokashlik futbolchi 2021 yildan 2023 yilgacha "Barselona"ga tegishli edi. 22 yoshli vinger o'tgan yilning kuzida "Betis"ga o'tib, besh yillik shartnoma imzolagan edi.

“Betis” bilan shartnoma imzolashga qaror qilganimdan afsuslanmadim. Oilamiz bilan gaplashib, to'g'ri bo'lgan qarorga keldik. “Betis”da baxtliman, bizda ajoyib muxlislar bor. Muxlislarimizning qo'shiq kuylayotganini eshitganimda sochlarim doim tikka bo'ladi", - deya futbolchining so'zlarini keltiradi Ispaniya OAVlari.

Joriy mavsumda Ezzalzuli “Betis” safida 33 ta o'yinda qatnashib, 5 ta gol urishga muvaffaq bo'ldi.