"Bayer" 47 o'yindan buyon mag'lubiyatsiz davom etmoqda: 39 g'alaba, 8 durang

“Bayer” “Roma”ni mag'lub etib, g'alabasiz o'yinlar seriyasini buzdi.

Evropa ligasi yarim finalida Xabi Alonso shogirdlari rimliklar darvozasiga ikkita gol urib, o'z darvozasi daxlsizligini saqlab qoldi.

Avvalgi uchta o'yinda leverkuzenliklar raqiblari bilan durang o'ynagandi: “Vest Xem” va Dortmundning “Borussiya”si bilan 1:1, “Shtutgart” bilan 2:2.

Joriy mavsumda “Bayer” 47 o'yinda birorta ham mag'lubiyat alamini totib ko'rmadi. Uning hisobida 39 g'alaba va 8 durang bor.

5 may kuni ular Bundesliga doirasida Frankfurtning “Ayntraxt” jamoasiga qarshi bahs olib boradi.