Abbos Elmurodov: «Rustam Umarov penaltilar seriyasida tojikistonlik qaysi futbolchi qanday tepishini yozib bergandi»

O'zbekiston futzal milliy terma jamoasi darvozaboni Abbos Elmurodov Osiyo kubogidagi taassurotlari bilan o'rtoqlashdi.

"Ilk bor Osiyo kubogida ishtirok etdim. Musobaqani yaxshi o'tkazdim, deb o'ylayman. Kelgusi turnirlarda bundanda yaxshi natijalar ko'rsatishga harakat qilamiz. Mamlakatimiznining yuzi yorug' bo'lishi uchun bor kuchimizni ishga solamiz.

Yangi murabbiyimiz bilan yangi taktikalar ustida ishladik. Uning ko'rsatmalarini yaxshi bajara oldik. Har qanday murabbiyga moslashish uchun ham biroz vaqt kerak. Penaltilar seriyasiga kelsak, Rustam Umarov kim qaerga tepishini yozib bergan edi. Bor gap shu. Jahon chempionatida ham xalqimizni xursand qilamiz", — dedi Elmurodov.