Karrager: "Liverpul" Tuxel variantini ko'rib chiqishi kerak edi"

"Liverpul"ning sobiq himoyachisi Jeymi Karragerning aytishicha, "mersisaydliklar" Arne Slot bilan kelishuvga erishishdan oldin Tomas Tuxelni o'z safiga qo'shib olish haqida o'ylab ko'rishlari kerak edi.

"Men Pep Gvardiolani eng katta sinovda - Chempionlar ligasi finalida mag'lub etgan Tomas Tuxel kabi murabbiyni tayinlashni diqqat bilan ko'rib chiqqan bo'lardim.

Tuxel "Maynts" va "Borussiya Dortmund"da Kloppdan keyin muvaffaqiyatga erishdi. Bu mavsum "Bavariya" uchun natija bermadi, lekin eng yaxshi murabbiylar muvaffaqiyatsizlikdan qanday qaytishlarini bilish uchun Karlo Anchelotti va Unai Emeriga qarashga arziydi" - dedi Karrager Daily Telegraph nashriga.

Eslatib o'tamiz, "Liverpul" "Feyenoord" ustozi Arne Slottni bosh murabbiy etib tayinlash bo'yicha barcha hujjatlarni imzolagan, rasmiy e'lon shu haftada e'lon qilinishi kerak.