O'zbekiston futzal terma jamoasi Tojikistonni penaltilar seriyasida mag'lub etib, Osiyo Kubogi bronza medalini qo'lga kiritdi

Futzal bo'yicha Osiyo Kubogining 3-o'rin uchun kechgan bahsda O'zbekiston terma jamoasi 28 aprel, yakshanba kuni Tojikistonga qarshi bahs olib bordi.

Uchrashuvning 2-daqiqasida Ilhom Hamroev hisobni ochdi. 5-daqiqada Elbek To'lqinov hisobni ishonchli ko'rinishga olib keldi. 10-daqiqada Samandar Rizomov oradagi farqni qisqartirdi. Birinchi bo'lim 2:1 hisobida O'zbekiston foydasiga yakunlandi.

Ikkinchib o'limda esa Tojikiston hisobni tenglashtirishga muvaffaq bo'ldi. 22-daqiqada Kamron Aliev o'z nomiga gol yozdirib qo'ydi. 24-daqiqada Mehroj Xudoyberdiev gol urdi. 27-daqiqada Ixtiyor Ropiev ham o'z nomini tabloga yozdirib qo'ydi. 30-daqiqada Samandar Rizomov dublni rasmiylashtirdi. 33-daqiqada Umid Qo'ziev Tojikistonning 5-goliga mualliflik qildi. 39-daqiqada esa Akbar Usmonov hisobni tenglashtirdi.

Uchrashuv bo'limlari 5:5 hisobida yakunlandi va g'olib nomi penaltilarda aniqlanadigan bo'ldi. Penaltilar seriyasida esa O'zbekiston 3:2 hisobida g'alaba qozonib, musobaqa bronza medalini qo'lga kiritdi.

Futzal. Osiyo Kubogi

3-o'rin uchun bahs

28 aprel, yakshanba

Tojikiston – O'zbekiston 5:5

Penaltilar seriyasi – 2:3

Gollar: Ilhom Hamroev 2, Elbek To'lqinov 5, Samandar Rizomov 10, Kamron Aliev 22, Mehroj Xudoyberdiev 24, Ixtiyor Ropiev 27, Samandar Rizomov 30, 33, Umid Kuziev 35, Akbar Usmonov 39.