Agbonlaxor Klopp va Salohning mojarosi haqida: "Liverpul" Salohsiz sovrin yuta olmasdi"

"Aston Villa" klubi va Angliya terma jamoasining sobiq hujumchisi Gabriel Agbonlaxor "Vest Xem"ga qarshi o'yin (2:2) yakunida Yurgen Klopp va Muhammad Saloh o'rtasida yuzaga kelgan janjal haqida gapirdi.

"Saloh zaxira o'yinchisi emas. Rotatsiya bo'lsa, Salohni zaxira o'rindig'ida qoldirish mumkin, ammo u "Liverpul" uchun 210 ta gol urdi va 86 ta golli uzatmani amalga oshirdi.

"Vest Xem"ga qarshi o'yin qiyin kechdi, unga atigi 12 daqiqa vaqt bera olmaysiz. Balki u maydon chetida shunday degandir: "12 daqiqa, kel, men Salohman, mensiz sen sovrinlarni yuta olmasding, Yurgen".

Saloh bo'lmaganida ular sovrin yutmagan bo'lardi. Saloh bu klub uchun ajoyib futbolchi edi. Qani hurmat?" - dedi Agbonlaxor.