Arteta: "Bizni faqat chempionlik uchun kurashish qoniqtirmaydi, biz chempion bo'lishni xohlaymiz"

"Arsenal" bosh murabbiyi Mikel Arteta Angliya chempionatining joriy mavsumidagi chempionlik poygasi haqida gapirdi.

"Ushbu ligada har mavsumda, har bir o'yinda o'z darajangda o'ynashing kerak va bu juda qiyin. Ketma-ket ikki yil chempionlik uchun kurashdik, ammo bundan qoniqmadik. Biz chempionatda g'alaba qozonishni istaymiz va buning uchun qo'limizdan kelgan barcha ishni qilamiz. Agar g'alaba qozonsak, yana buni qilishga harakat qilamiz. Agar bu ish bermasa, albatta, yana urinib ko'ramiz", - dedi Arteta klub rasmiy saytiga.

Eslatib o'tamiz, Angliya chempionatining 34-turidan so'ng "Arsenal" 77 ochko jamg'argan va ayni damda birinchi o'rinda, eng yaqin ta'qibchisi “Manchester Siti”dan bir ochko oldinda, ammo "shaharliklar"ning bitta zaxira o'yini bor.