Virts - "Bavariya"ning 2025 yildagi asosiy maqsadi

"Bavariya" kelasi yili "Bayer" yarim himoyachisi Florian Virtsni o'z safiga tortishga harakat qiladi. 20 yoshli futbolchi kelayotgan yozda “dorichilar” safini tark etmaydi, shuning uchun uni qo'lga kiritishga qiziqqan ko'plab top-klublar 2025 yilgacha kutishlariga to'g'ri keladi.

Jurnalist Florian Plettenbergning so'zlariga ko'ra, "Bavariya" rahbariyati allaqachon Virtsni kelasi yoz uchun asosiy transfer maqsadi sifatida belgilab qo'ygan. Myunxenliklar 100 million evrodan ortiq mablag' sarflashga tayyor bo'lishi kutilmoqda.