“Manchester Yunayted” muxlisiga nisbatan chora ko'rildi

Oldinroq “Manchester Yunayted”ning ikki muxlisi "Xillsboro" fojiasi haqida baqirgani uchun hibsga olingandi.

The Athletic xabariga ko'ra, Manchester politsiyasi 44 yoshli muxlisni Angliya kubogi chorak finalida "Manchester Yunayted" va "Liverpul" o'rtasidagi o'yinda fojia haqida qichqirgani uchun uch yilga stadiondan chetlashtirdi. Unga shuningdek, 1205 funt sterling miqdorida jarima solindi.

Maykl Bernard Averi “Jamoat tartibi to'g'risida”gi qonunning 4A bo'limi bo'yicha ayblangan va garov evaziga qo'yib yuborilgan.

Averi o'z aybiga iqror bo'ldi va futbol o'yinlariga borishdan uch yil muddatga chetlashtirildi, shuningdek, 320 funt tovon puli va 800 funt sterling jarima to'lagani va aybiga erta iqror bo'lgani tufayli uning jazosi kamaytirildi.