Ten Xag Sanchoning o'yinlarini kuzatayaptimi?

"Manchester Yunayted" bosh murabbiyi Erik ten Xag "qizil iblislar"dan ijaraga olingan "Borussiya Dortmund" vingeri Jeydon Sanchoning o'yinlarini kuzatyapsizmi, degan savolga javob berdi.

“Albatta, men boshqa klublarda ijara asosida o'ynayotgan futbolchilarni kuzatib boraman. "Borussiya" va "Atletiko Madrid" o'rtasidagi o'yin ajoyib tarzda o'tdi. Sancho ajoyib o'yin ko'rsatdi, bu yaxshi xabar. U "Borussiya"ning natijasiga hissa qo'shdi.

Sanchoning "Manchester Yunayted"dagi kelajagi borasida biror narsa o'zgarganmi? Yo'q, biz Jeydon Sancho fantastik futbolchi ekanligini bilamiz, bu biz uchun ajablanarli emas. Muammo bu emas”, - deya Ten Xag so'zlarini keltirgan BBC.

Eslatib o'tamiz, mavsum boshida ten Xag va Sancho o'rtasida mojaro yuzaga kelgan, shu sabab niderlandiyalik mutaxassis angliyalikni maydonga tushirishni to'xtatgandi. Sanchoning "MYu" bilan amaldagi shartnomasi 2026 yilning yoziga qadar mo'ljallangan.