Argentinalik futbolchi «Liverpul» uchun omadli xarid bo'lgan

Aleksis Mak Allister so'nggi 9 ta o'yinning 8 tasida asosiy tarkibda maydonga tushgan va ularda 10 ta golda qatnashgan.

“Liverpul” APLning 31-turi doirasida “Sheffild Yunayted”ni qabul qilib, 3:1 hisobida g'alaba qozondi. O'yinning 76-daqiqasida Aleksis Makallister g'alaba gollaridan birini kiritdi.

Shu tariqa, argentinalik yarim himoyachi o'zi maydonga tushgan so'nggi 9 uchrashuvning 8 tasida golda ishtirok etdi.

Futbolchi ushbu segmentda 10 (5+5) ochko to'pladi. U yagona marta Liga kubogi finalida "Chelsi"ga qarshi o'yinda (1:0) samarali harakat qila olmagandi.