«Barselona» Tyuramni qo'lga kiritish yo'llarini izlamoqda

"Barselona" "Nitstsa" yarim himoyachisi Kefren Tyuramni qanday qilib eng qulay shartlarda sotib olish variantini ko'rib chiqmoqda.

23 yoshli futbolchi Kataloniya klubining transfer maqsadlaridan biri sanaladi, biroq frantsiyalik futbolchining narxi kelishuvni murakkablashtirishi mumkin. Jurnalist Xordi Batalyaning yozishicha, yarim himoyachining transferi narxini pasaytirish maqsadida "Barselona" o'zining sobiq futbolchisi, u ham "Nitstsa"da to'p tepadigan Jan-Kler Todibodan foydalanishi mumkin. "Blaugrana" 24 yoshli himoyachini kelajakda qayta sotishning 20 foizini olish huquqiga ega - bu band Tyuram uchun muzokaralarda tovon pulini kamaytirish uchun ishlatilishi mumkin.