"Barsa" Xavini yoshlarga bo'lgan ishonchi va klub vaziyatiga moslasha olgani uchun olib qolmoqchi

"Barselona" nima uchun Xavini qolishga ishontirmoqchi ekanligi ma'lum bo'ldi.

Mundo Deportivo xabariga ko'ra, bu borada prezident Joan Laporta, vitse-prezident Rafa Yuste va sport direktori Deku ishlamoqda.

Laporta fikricha, agar "Barsa" La Liga yoki Chempionlar ligasida g'olib chiqsa yoki o'sha musobaqalarda g'alaba qozonish uchun oxirigacha kurashsa, Xavi fikrini o'zgartirishi mumkin. "Barsa" prezidenti murabbiydan yakuniy qarorni kutishga tayyor, chunki u Xavining hozirgi tarkibdan ko'p narsa olishiga ishonadi. Bu, ayniqsa, Xavi qo'l ostida imkoniyatga ega bo'lgan yosh futbolchilarga tegishli: Lamin Yamal, Fermin Lopes, Pau Kubarsi, Ektor Fort va Mark Kasado.

Laporta, Yuste va Deku Xavining klub holatiga moslashganini, bu esa uni istalgan transferlardan voz kechishga majbur qilganini maqtadi. Murabbiy hech qachon "Barsa" uning istaklarini bajara olmayotganidan nolimagan.

Shu omillar tufayli Laporta Xavi 2025 yilgacha mo'ljallangan va bir mavsumga uzaytirish imkoniyatiga ega bo'lgan shartnomasini ishlab chiqishni xohlaydi. "Barselona" jamoasini kuchaytirish uchun yozda bir nechta transferlarni amalga oshirishni rejalashtirmoqda. 2025 yilda klub "Manchester Siti" hujumchisi Erling Xolandni maqsad qilgan.