"Galatasaroy" bosh murabbiyi: "Murabbiy sifatida muhim futbolchini yo'qotganim uchun afsusdaman"

"Galatasaroy" bosh murabbiyi Okan Buruk Sasha Boening "Bavariya"ga o'tishi haqida gapirdi.

Myunxen klubi yakshanba kuni 23 yoshli o'ng qanot himoyachisi bilan shartnoma imzolaganini e'lon qildi. Transfer narxi 30 million evroga baholanmoqda.

“Bu turk futboli tarixidagi eng yirik savdo. Klub va rahbariyatni tabriklashimiz kerak. Sasha har doim ko'p mehnat qilgan, u boshqalarga o'rnakdir va biz unga hurmat ko'rsatishimiz kerak.

Albatta, murabbiy sifatida muhim futbolchini yo'qotganim uchun afsusdaman, ammo bu "Galatasaroy" uchun juda jiddiy kelishuv.

Boega "Bavariya"da muvaffaqiyatlar tilayman", - dedi Buruk.