Sanega qo'pollik qilgan "Union" jamoasi ustozi diskvalifikatsiya qilindi
/ Kiritdi: BestMaster Ko'rilgan: 24
Chorshanba oqshomida Germaniya chempionatida "Bavariya" va "Union" (Berlin) o'yini bo'lib o'tdi.
Ikkinchi bo'lim davomida mehmonlar jamoasi ustozi Nenad Belitsa myunxenliklar vingeri Leroy Sane bilan to'qnash keldi. Belitsa hatto Saneni yuziga turtib yubordi, buning uchun u qizil kartochka oldi.
Germaniya futbol assotsiatsiyasining sport sudi Nenad Belitsani Bundesliganing uchta o'yiniga diskvalifikatsiya qildi. Bundan tashqari, mutaxassis jarima sifatida 25 ming evro to'laydi.
Berlin klubi saytida xabar qilinganidek, "Union" va Belitsaning o'zi jazoga rozi bo'lgan. Shu tariqa, Nenad Belitsa "Darmshtadt" (28 yanvar), "Leyptsig" (4 fevral) va "Maynts" (7 fevral) klublariga qarshi o'yinlarni o'tkazib yuboradi.