Makallister «Liverpul»da ko'p yillar qolmoqchi

"Liverpul" yarim himoyachisi Aleksis Makallister faoliyatining asosiy qismini "Enfild"da o'tkazishga umid qilayotganini aytdi.

Eslatib o'tamiz, 25 yoshli argentinalik futbolchi joriy mavsum boshlanishidan avval Yurgen Klopp jamoasiga o'tgan edi. "Brayton" yarim himoyachi uchun 42 million evro tovon puli oldi.

"Umid qilamanki, "Liverpul"da ko'p yillar o'tkazaman. Men bu erdagi hayotimdan rohatlanaman. Men bu erda ko'p yillar qolishni xohlayman", - deya Makallister so'zlarini keltiradi jurnalist Fabritsio Romano.

Makallister joriy mavsumda Premer-ligada 15 ta o'yinda maydonga tushib, bitta gol va assistentlik qilgan.