Andrea Pirlo nima uchun "Milan"dan "Yuventus"ga o'tishini tushuntirdi

"Milan", "Yuventus" va Italiya terma jamoasining sobiq yarim himoyachisi Andrea Pirlo "Milan"dan "Yuventus"ga o'tganini esladi.

"Hammaga men hali ham o'zimning yoshligimni va g'alaba qozonishim mumkinligini isbotlashni juda xohlardim. "Yuventus" bilan biz to'rtta chempionlikni qo'lga kiritdik va Chempionlar ligasi finalida o'ynadik. Men Konte bilan juda iliq va samarali munosabatda edim", - dedi Pirlo pianetamilan.it bilan suhbatda.

Andrea Pirlo 2017 yilda futbolchilik faoliyatini yakunlagan. Pirlo ayni damda Italiyaning “Sampdoriya” klubi bosh murabbiyi sifatida faoliyat yuritmoqda. 44 yoshli italiyalik mutaxassis bilan shartnoma 2025 yilning yoziga qadar mo'ljallangan. Pirlo professional murabbiylik faoliyatini 2020 yilda “Yuventus”ni boshqarishda boshlagan. Bungacha u “Keksa sinora” yoshlar tizimida ishlagan. Turinliklar jamoasi bilan ishlagan birinchi yilidayoq Andrea Superkubogi va Italiya kubogini qo'lga kiritdi.