Anchelotti: «Kroosning bu masalaga munosabati o'zgarmadi»

Madridning «Real» klubi bosh murabbiyi Karlo Anchelotti jamoa yarim himoyachisi Toni Kroosning kelajagi haqida gapirdi.

«U qaror qabul qiladi. Hamma Kroosni bu erda juda yaxshi ko'radi, u buni yaxshi biladi. U avvalgidek o'ynashda davom etmoqda. Uning bu masalaga munosabati o'zgarmadi», - deya Anchelottining so'zlarini keltiradi klub matbuot xizmati.

Germaniyalik yarim himoyachi 2014 yildan beri «Real»da o'ynab kelmoqda. Joriy mavsumda 33 yoshli Kroos barcha turnirlarni hisobga olgan holda 18 ta uchrashuvda maydonga tushib, bitta gol urdi va 4 ta golli uzatmani amalga oshirdi.

Futbolchining klub bilan shartnomasi kelasi yozda yakuniga etadi.