Abbos To'ychiboev: «O'zbek kurashi uchun unutilmas yil bo'ldi»

«Milliy sport mukofoti-2018» tantanali taqdirlash marosimida «Yilning eng faol federatsiyasi» yo'nalishida O'zbekiston kurash federatsiyasi g'olib bo'ldi. Taqdirlash marosimidan so'ng federatsiya bosh kotibi Abbos To'ychiboev o'z taassurotlari bilan o'rtoqlashdi.

«Yil o'zbek sporti uchun, ayniqsa, o'zbek kurashi uchun voqeliklarga boy bo'ldi. Ahir milliy sportimiz tarixda ilk marotaba Osiyo o'yinlari dasturidan o'rin oldi. Biz musobaqa davomida 12 ta medal qo'lga kirita oldik. Ularning 6 tasi oltin medal edi.

Shuningdek, polvonlarimiz Osiyo chempionatida ham muvaffaqiyatli ishtirok etishdi. Mehnatimiz munosib e'tirof etilgani juda yoqimli. Nimalarni his qilayotganimni so'z bilan tasvirlab bera olmayman. Taqdirlash marosimi tashkilotchilariga minnatdorchilik bildiraman. Yangi yilda bundanda yorqin g'alabalarga erishmoqchimiz», – dedi Abbos To'ychiboev.