Arteta "Arsenal"da g'alaba qozonish ko'rsatkichlari borasida Vengerni ham ortda qoldirdi

Mikel Arteta "Arsenal" boshqaruvida 200 ta o'yin o'tkazdi.

APL 13-turi doirasidagi "Brentford"ga qarshi o'yin (1:0) ispaniyalikning "kanonirlar" bosh murabbiyi sifatidagi yubileyiga aylandi.

Bu vaqt ichida Arteta jamoasi 116 ta g'alabaga erishdi. Bu klub rekordidir.

Arsen Venger qo'l ostida o'tkazilgan dastlabki 200ta o'yinda "Arsenal" 111 marta g'alaba qozongan - bu tarixda ikkinchi natija.

Arteta 2019 yildan beri londonliklarni boshqarib keladi.