Frantsiya U17 terma jamoasi diskvalifikatsiya qilinmaydi: Senegal arizani qaytarib oldi

Frantsiya U17 terma jamoasi JChdan diskvalifikatsiya qilinmaydigan bo'ldi. Senegal futbol fedaratsiyasi Yanis Issufu (suratda) bo'yicha bergan shikoyat xatini, ma'lumotlarga qaraganda, qaytarib olgan.

Ma'lumot o'rnida. Ushbu futbolchi Frantsiya U17 terma jamoasida o'ynashdan oldin Niger U17 tarkibida ham maydonga tushishga ulgurgan. Shuning uchun senegalliklar Frantsiyani diskvalifikatsiya qilishni so'rab FIFA murojaat qilgandi.

Issufu ko'p ehtimol bilan O'zbekistonga qarshi o'yinda maydonga tushmaydi. Frantsiya U17 bosh murabbiyi Senegalga qarshi nimchorak final bahsida Yanisni qaydnomaga kiritmagandi.