"Surxon" Artyom Potapov bilan shartnomani 3 yilga uzaytirdi

"Surxon" jamoasining rossiyalik darvozaboni Artyom Potapov Termiz klubida o'ynashda davom etadi.

Joriy mavsumda Potapov jamoa etakchilaridan biriga aylandi. U etakchilik xislatlarini ko'rsatdi va jamoa sardori bo'ldi.

2023 yilgi mavsumda Potapov Superligada 22ta o'yinda maydonga tushdi va shularning yarmida darvoza daxlsizligini saqlab qoldi! Shuningdek, "Surxon"ning O'zbekiston Kubogining chorak finaliga chiqishiga yordam berdi.

"Klub nomidan Artyomni shartnoma uzaytirilgani bilan tabriklaymiz va ko'proq g'alabalar tilaymiz!" - deyiladi "Surxon"ning bayonotida.