"Napoli" Kvaratsxeliya bilan shartnomani uzaytirmoqchi

"Napoli" vingeri Xvicha Kvaratsxeliya yaqin orada klub bilan shartnomasini uzaytirishi kerak, deya xabar beradi insayder Nikolo Skira.

Yangi kelishuv 2028 yilgacha amal qiladi va 2029 yilgacha uzaytirish imkoniyati haqidagi bandni o'z ichiga olishi mumkin. Ushbu shartnomaga ko'ra, futbolchi yiliga 4 million evro maosh oladi.

Klub va futbolchi o'rtasidagi muzokaralar hamon davom etmoqda.

Kvaratsxeliya 2022 yilning yozida 13,3 million evro evaziga Batumining "Dinamo" jamoasidan "Napoli"ga o'tgan edi. Uning klub bilan amaldagi shartnomasi 2027 yilning 30 iyuniga qadar amal qiladi.

Transfermarkt portali uni 85 million evroga baholamoqda.

Xvicha joriy mavsum “Napoli” safida 15 ta o'yinda maydonga tushib, 3 ta gol va 4 ta golli uzatmani amalga oshirdi.