Norchaev jamoasi omadsiz kunlarni boshdan kechirmoqda

Hamyurtimiz Xusayn Norchaev o'ynayotgan Vladikavkazning "Alaniya" klubi juda yoqimsiz davrni boshdan kechirmoqda. Bugun Oleg Vasilenko shogirdlari Rossiya Birinchi ligasida Moskva viloyatining "Ximki" jamoasiga imkoniyatni boy berishdi – 1:4.

Shu tariqa, "qoplonlar" 14 oktyabrdan buyon g'alaba nimaligini bilishmayapti – o'shanda jamoa chempionat autsayderi "Leningradets"ni 1:0 hisobida mag'lub etgandi. O'shandan beri Norchaev jamoasi uchta durang o'ynadi va ikkita mag'lubiyatga uchradi.

Umuman olganda, 23 sentyabrdan beri barcha turnirlarda to'qqizta rasmiy o'yinda "Alaniya" faqat bitta g'alabani qo'lga kiritdi.