Grizmann "Atletiko" tarixidagi eng yaxshi to'purarlar ro'yxatida 2-o'rinni egallab turgan Eskuderoga etib oldi

Madridning “Atletiko” klubi hujumchisi Antuan Grizmann Ispaniya chempionatining 13-turidan o'rin olgan “Vilyarreal”ga qarshi o'yinda (3:1) gol urdi.

"Matraschilar" matbuot xizmati xabariga ko'ra, 32 yoshli frantsiyalik futbolchi Madrid klubi safidagi 169-golini urdi va bu ko'rsatkich bo'yicha Adrian Eskudero bilan tenglashdi. Grizmann va Eskudero endi "Atletiko" tarixidagi eng yaxshi to'purarlar ro'yxatida 2 va 3-o'rinlarni egallab turishibdi.

Reytingda 173 ta gol urgan Luis Aragones etakchilik qilmoqda.