Bosh vazirning birinchi o'rinbosari Ochilboy Ramatov «eng yaxshi sport homiysi» bilan taqdirlandi

Bugun, 28 dekabr kuni Milliy olimpiya qo'mitasi “O'zbekiston xalqaro anjumanlar saroyi”da o'zbek sporti tarixida ilk marotaba “Milliy sport mukofoti – 2018” tantanali taqdirlash marosimi o'tkazyapti. Marosimda turli nominatsiyalar egasi taqdirlanishi kutilmoqda.

Jumladan, “Eng yaxshi sport homiysi” sovrini O'zbekiston Respublikasi Bosh vazirining birinchi o'rinbosari Ochilboy Ramatovga topshirildi. Sovrinni uning yordamchisi qabul qilib oldi.

Avvaloq, Andijon viloyati hokimi Shuhrat Abdurahmonov “Hududlarda sportni rivojlantirishga qo'shgan hissasi uchun” taqdirlangan edi.

O'zbekiston kurash federatsiyasi esa “Yilning eng faol federatsiyasi” deb e'tirof etildi.

O'zbekiston shaxmat federatsiyasi “Yilning eng yaxshi innovatsion va intellektual faol federatsiyasi” deb e'tirof etildi.