Leskott: "Bellingem - dunyodagi eng yorqin iste'dodlardan biri"

Angliya terma jamoasining sobiq futbolchisi Joleon Leskott "Real" yarim himoyachisi Jud Bellingem haqida o'z fikrlari bilan o'rtoqlashdi.

"Bellingem dunyodagi eng yorqin iste'dodlardan biri. U ayni damda dunyoning eng yaxshi futbolchisi. Jud "Real Madrid"ning o'yiniga katta ta'sir ko'rsatadi. Bu siz qarashingiz va hayratga tushishingiz mumkin bo'lgan yigitdir" - dedi Leskott Daily Mail bilan suhbatda.

Bellingem yozgi transfer oynasida Dortmundning "Borussiya" jamoasidan 103 million evro evaziga "Real"ga o'tgan edi. Joriy mavsumda 20 yoshli angliyalik futbolchi “Qirollik klubi” safida o'nta o'yin o'tkazib, o'nta gol va 3ta golli uzatmani amalga oshirdi.