Vesko Steshevich: "Birinchi goldan so'ng raqibda ham bir nechta imkoniyatlar bo'ldi"

Superliga 20-turi doirasida "Metallurg" – "Andijon" (2:0) uchrashuvidan so'ng mezbonlar ustozi Vesko Steshevich quyidagicha fikr bildirdi.

"Nima deyishim mumkin? Dastlab jamoamdagi o'yinchilarni g'alaba bilan tabriklayman. Juda kerakli bo'lgan uchrashuvda g'alaba qozonganimizdan xursandman. Bundan keyin ham yaxshi harakat qilib, turnir jadvalida yanada yuqoriga ko'tarilishga intilamiz.

Birinchi bo'limda yomon o'ynamadik. O'ylaymanki, taym uchun 1:0 hisobi adolatli bo'ldi,. Ikkinchi taymda ham o'yinni o'z nazoratimizga oldik va ikkinchi golni  kiritdik. Birinchi goldan so'ng raqibda ham bir nechta imkoniyatlar bo'ldi. Shunga qaramay, vaziyatni ushlab qoldik va ikkinchi golni ham urdik.

Bir necha kun avval biz derbida maydonga tushgandik. O'shanda ko'p energiya sarflagandik. Shunga qaramay, bugungi o'yinda ikkinchi bo'limda ham vaziyatni qo'ldan chiqarmasdan, yaxshi harakat qildik. Muhimi, 3 ochkoni qo'lga kiritdik. Bu bizga juda kerakli g'alaba edi", - dedi Steshevich.