Serxio Ramosning uyiga o'g'ri tushdi

Noma'lum shaxslar Sevilya chetidagi Serxio Ramosning uyini talon-taroj qildi.

Voqea 20 sentyabr kuni, Chempionlar Ligasi doirasida “Sevilya” va “Lans” uchrashuvi (1:1) bo'lib o'tgan kunda sodir bo'lgan.

Bosqinchilar uyga Ramosning to'rt nafar farzandi va ikki nafar tarbiyachi bo'lgan vaqtda kirib borgan. Futbolchining o'zi maydonda, rafiqasi esa ish bilan shaharni tark etgandi. Bosqinchilar tomonidan etkazilgan zarar miqdori aniqlanmagan, bolalar va tarbiyachilarga esa zarar etmagan.

Qayd etilishicha, bu Ramosning uyini o'g'irlash uchun bo'lgan birinchi urinish emas. 2012 yilda ispaniyalik futbolchi va uning rafiqasi uyda bo'lgan vaqtda bosqinchilar uyga bostirib kirgan. Biroq, jinoyatchilar uydan hech narsa olib ketolmagan.

Manba: daryo.uz