Klopp: «Muxlislarning reaktsiyasiga biz sababchi bo'ldik deb o'ylagandim, ammo…»

«Liverpul» ustozi Yurgen Klopp «Nyukasl»ga qarshi o'yindan keyin «Enfild»da muxlislarning reaktsiyasi haqida fikr bildirdi.

Ma'lumot uchun, «Liverpul» «Nyukasl»ni mag'lub etgach, muxlislar parallel o'yinda «Manchester Siti»ning «Lester»ga mag'lub bo'lganini eshitishgan va haddan ortiq hayajonga berilib, o'zgacha reaktsiya ko'rsatishgan. Ammo Klopp bu holat g'alabamizga bildirilgan minnatdorlik deya o'ylab muxlislarga tashakkur aytgandi.

«Men bu biz tufayli deb o'ylagandim, ya'ni «ajoyib o'yin uchun katta rahmat» ma'nosida qabul qilgandim. Keyin esa menga bu boshqa o'yindagi natija tufayli ekanligini aytishdi. Menimcha, muxlislar «Tottenxem» raqibini 5:0 hisobida mag'lub etganini eshitishmagan.

Hammasi joyida. Bu «Boxing Day» atmosferasi», dedi Klopp.