"Brayton" Fati maoshining qancha qismini to'lab berishi ma'lum bo'ldi

"Barselona" hujumchisi Ansu Fati faoliyatini Angliyada davom ettiradi.

"Brayton" ispaniyalikni joriy mavsum oxirigacha sotib olish imkoniyatisiz ijaraga oladi. Insayder Fabritsio Romanoning xabar berishicha, klublar kelishuvga erishgan va 20 yoshli futbolchi payshanba kuni Angliyaga uchib ketadi. Sport jurnalisti Toni Xuanmartining so'zlariga ko'ra, "chaykalar" hujumchining "Barselona"dagi hozirgi maoshining taxminan 70-75 foizini qoplaydi.

Ansu Fati "ko'k-anorranglilar"ning asosiy tarkibida 112 o'yin o'tkazib, 29 gol va 10 golga assistentlik qilgan. Futbolchining Kataloniya grandi bilan tuzgan mehnat shartnomasi 2027 yilning o'rtalariga qadar amal qiladi.