Eden Azar 6 ta taklifga rad javobini bergan

"Chelsi" va "Real"ning sobiq yarim himoyachisi Eden Azarga yozgi transfer oynasida takliflar kam bo'lmadi. Bu haqda AS nashri sahifalarida xabar berildi.

32 yoshli belgiyalik futbolchiga MLS, Saudiya Arabistoni, Ispaniya, Angliya, Frantsiya va Shotlandiyadan takliflar bo'lgan. Eng yaxshi taklif “Inter Mayami” tomonidan qilingan, biroq Eden rad javobini bergan.

Avvalroq matbuotda Azar futbolchilik faoliyatini yakunlash haqida jiddiy o'ylayotgani haqida xabarlar tarqalgandi.

Ayni damda tajribali yarim himoyachi erkin agent maqomida. Uning so'nggi ish joyi "Real Madrid" edi. Eden o'tgan mavsumda La Ligada 6 ta o'yinda maydonga tushib, bitta golli uzatmani amalga oshirgan.