Fati "Vilyarreal" bilan o'yindan so'ng ko'zida yosh bilan uyiga ketgan

"Barselona" hujumchisi Ansu Fati jamoasining Ispaniya chempionatida "Vilyarreal"ga qarshi o'tkazgan so'nggi o'yini juda qiyin kechdi. Kataloniyaliklar 4:3 hisobida g'alaba qozondi, ammo Fati maydonda bor-yo'g'i 14 daqiqa o'tganidan norozi edi. Bu haqda Mundo Deportivo nashri jurnalisti Santi Nolla xabar bermoqda.

“Oxirgi o'yin oxirida Fati uyga yig'lab keldi. U faqat odamlarning ishonchi va barqaror o'yin amaliyotini xohlaydi. Ikkisini ham qo'lga kiritadi, ammo bu "Barselona"da bo'lishi dargumon", - deb yozdi Nolla ijtimoiy tarmoqda.

Avvalroq Fatiga "Chelsi" jiddiy qiziqish bildirayotgani xabar berilgandi.