"Lill" "Spartak" himoyachisi uchun 11 million evro taklif qildi

“Spartak” himoyachisi Daniil Denisov faoliyatini Fransiya chempionatida davom ettirishi mumkin.

Metaratings xabariga ko'ra, "Lill" Moskva klubiga 20 yoshli rossiyalik futbolchi uchun 11 million evro taklif qilgan. Shu bilan birga, ta'kidlanishicha, "Spartak" sport direktori Pol Esvort Frantsiyaning to'rt karra chempioni taklifini qabul qilmoqchi emas.

Joriy mavsumda Denisov “Spartak” safida sakkizta o'yin o'tkazib, ikkita golli uzatmani amalga oshirdi. Transfermarkt portali Rossiya terma jamoasi futbolchisini 4 million evroga baholamoqda.