«Dinamo» - «Paxtakor»: Uzoq yillik raqiblarning 51-uchrashuvi

O'zbekiston kubogi 1/8 finali doirasida Samarqandning "Dinamo" klubi o'z maydonida Toshkentning "Paxtakor" jamoasini qabul qiladi.

O'zbekiston chempionati tarixida “Dinamo” va “Paxtakor” jamoalari o'zaro 50 marta uchrashgan. Bahslarning 39tasida “Paxtakor”, 6tasida esa “Dinamo” g'alaba qozongan, 5ta o'yin durang bilan yakunlangan.

“Dinamo” va “Paxtakor” o'rtasidagi so'nggi o'yin bu safargi bahsdan roppa-rosa 1 yil avval – 2022 yilning 1 avgust kuni o'tkazilib, Toshkentdagi o'yinda mezbonlar 3:2 hisobida ustun kelgandi.

Samarqand va Toshkent klublari bu safar O'zbekiston kubogi 1/8 finali doirasida ko'hna shaharda ro'baro' kelishadi. G'olib jamoa chorakfinalga yo'llanma oladi. 1 avgust, seshanba kuni soat 20:00da boshlanadigan bahsga chiptalar sotuvi boshlangan.