Nacho: "Real" sardori bo'lish juda katta ma'suliyat"

"Real Madrid" yangi futbol mavsumi boshlanishidan oldin rasmiy o'yinlarda o'z darajasiga ko'ra sardorlik bog'ichini taqadigan to'rt nafar futbolchi ro'yxatini belgilab oldi.

Ular orasida birinchisi Nacho Fernandes bo'lib, u professional faoliyatida faqat "qaymoqranglilar"da o'ynagan.

Tajribali himoyachi o'zining so'nggi intervyusida jamoadoshlari ishonchini oqlashini aytib o'tdi.

"To'g'ri, men "Real"ning ko'plab o'yinlarida sardorlik qilganman, ammo hozir birinchi sardor bo'lish aql bovar qilmaydigan narsa va ayni paytda juda qiyin vazifa.

Men bu klubda butun umr o'ynab kelganman, barcha yosh toifalaridan o'tganman. Shuning uchun bu klub vakili bo'lish men uchun bo'lishi mumkin bo'lgan eng yaxshi narsadir.

Sardor bo'lish sevimli bo'lish demakdir, lekin ayni paytda hamma uchun eng yaxshi jamoadosh bo'lish demakdir.

Men har doim jamoam uchun kurashishga harakat qilaman, chempionlikni davom ettirish uchun har bir o'yinda g'alaba qozonaman." - dedi Nacho.

Eslatib o'tamiz, Nacho “Real” bilan 5 marta Chempionlar kubogi, 5 marta klublar o'rtasidagi jahon chempionati sovrini, 3 marta La Liga, 2 marta Ispaniya kubogi, 4 marta UEFA Superkubogi va 4 marta Ispaniya Superkubogini qo'lga kiritgan.