Fofana "An-Nasr"ga o'tadi - Romano

"Lans" yarim himoyachisi Seko Fofana portugaliyalik hujumchi Krishtianu Ronaldu to'p tepayotgan Saudiyaning "An-Nasr" klubiga o'tadi. Bu haqda jurnalist Fabritsio Romano o'zining “Twitter”ida xabar berdi.

Manbaning xabariga ko'ra, transfer summasi 25-30 million evro atrofida bo'ladi.Futbolchi allaqachon tibbiy ko'rikning birinchi qismidan o'tgan.

2022/2023 yilgi mavsumda Fofan "Lans" uchun barcha musobaqalarda 39 ta o'yinda maydonga tushib, 9 ta gol va 6 ta golli uzatmaga mualliflik qilgan. Futbolchining frantsuz klubi bilan shartnomasi 2025 yilning iyun oyi oxirigacha amal qiladi. Transfermarkt internet portaliga ko'ra, futbolchining taxminiy narxi 32 million evroni tashkil qiladi.

Oldinroq "An-Nasr" "Bavariya" hujumchisi Sadio Manega qiziqish bildirayotgani haqida xabar berilgandi.