"Yuventus" muxlislari Lukakuga qarshi, "Inter" fanatlari esa Kuadradoning kelishiga qarshi bo'lishmoqda (video)

"Yuventus" va "Inter" muxlislari o'z klublarining bo'lajak transferlaridan norozi.

Romelu Lukakuning ehtimoliy transferidan xabar topgan “keksa sinora” muxlislari klub tibbiyot markazi yaqinida norozilik aktsiyasiga chiqishdi. Quyidagi videoda ular "Biz Lukakuni xohlamaymiz" deb hayqirmoqda.

O'z navbatida, "Inter"ning Curva Nord (shimoliy tribuna - italyancha) muxlislar guruhi bugun Xuan Kuadradoning kelishiga norozilik bildirish uchun yig'iladi. "Neradzurilar" kolumbiyalik futbolchi bilan bir yillik shartnoma imzolashlari kutilmoqda.

Lukaku va Kuadrado mos ravishda "Inter" va "Yuventus"ning sobiq futbolchilari. Aprel oyi boshida ular Italiya kubogining birinchi yarim finali yakunida yuz bergan ommaviy to'qnashuvning bosh qahramonlariga aylanishdi.

“Inter” va “Yuventus” Italiya futbolidagi eng muhim raqiblardan biri hisoblanadi. "Neradzurilar" va "Byankonerilar" o'rtasidagi qarama-qarshilik butun Italiya derbisi deb ataladi.

“Noi #Lukaku non lo vogliamo”: tifosi #Juve contro l’arrivo dell’attaccante @SimoneDinoi pic.twitter.com/rf5SspK2OU