"Manchester Yunayted" Xavi Simons uchun "Leyptsig"ga raqobat ko'rsatishga tayyor

"PSJ" yarim himoyachisi Xavi Simons faoliyatini Angliya Premer-ligasining top-klubida davom ettirishi mumkin. Ijtimoiy tarmoq insayderi Loik Tanzi xabariga ko'ra, 20 yoshli yarim himoyachiga "Manchester Yunayted" qiziqish bildirmoqda. Mankunianliklar futbolchi uchun Germaniyaning “Leyptsig” klubi bilan raqobatlashishga tayyor.

Eslatib o'tamiz, "PSJ" futbolchini olti million evroga qaytarib sotib olish huquqidan foydalanib, Niderlandiyaning PSV klubidan qaytargan edi.

Transfermarkt portali yarim himoyachining narxini 40 million evroga baholamoqda.

Xavi o'tgan mavsumda 34 ta o'yinda maydonga tushib, 19 ta gol va 8 ta golli uzatmaga mualliflik qilgan.