Basketbolchilarimiz xalqaro musobaqada g'alaba qozonishdi

Bugun Qirg'izistonning Bishkek shahrida basketbol bo'yicha xalqaro musobaqa o'z yakuniga etdi. Markaziy Osiyo mamlakatlaridan tashrif buyurgan 8 ta jamoa ishtirokida kechgan mazkur musobaqada O'zbekiston Respublikasi Mudofaa Vazirligi sport klubi birinchi o'rinni qo'lga kiritdi.

Hamyurtlarimiz oltin medal uchun kechgan o'yinda mahalliy “Dinamo” jamoasi bilan kuch sinashishdi. Basketbolchilarimizning ustunligida kechgan bahs uchrashuv so'ngida tabloda ham o'z aksini topdi. Yakunda hamyurtlarimiz 88:68 hisobida 20 ochkolik tafovut bilan raqiblarini mag'lub etishdi.