Shahobiddin Zoirov, Iqboljon Xoldarov va yana 12 nafar bokschimiz Tailanddagi xalqaro musobaqada ishtirok etishadi

20-27 iyul kunlari Tailandning Bangkok shahrida boks bo'yicha xalqaro musobaqa bo'lib o'tadi. Jahonning etakchi mamlakatlaridan tashrif buyuradigan charm qo'lqop ustalari qatori O'zbekiston terma jamoasi ham ushbu turnirda deyarli asosiy tarkib bilan ishtirok etadi.

Reglamentga ko'ra, unda erkaklar o'rtasida 8 ta, ayollar o'rtasida 6 ta vazn toifalarida bellashuvlar o'tkaziladi. Ta'kidlash joiz, musobaqada eski vazn toifalari amal qiladi. Unda 14 nafar bokschimiz ishtirok etishi belgilab qo'yilgan. Terma jamoamiz tarkibi bilan tanishing:

Erkaklar:
-49 kg: Nodirjon Mirzahmedov
-52 kg: Shahobiddin Zoirov
-56 kg: Abdumalik Xalakov
-60 kg: Shunqor Abdurasulov
-64 kg: Shukurjon Rahimov
-69 kg: Iqboljon Xoldarov
-75 kg: Fanat Qahramonov
-81 kg: Dilshodbek Ro'zmetov

Ayollar:
-48 kg: Gulasal Sultonalieva
-51 kg: Sitora Shodgarova
-57 kg: Mahliyo Habibullaeva
-60 kg: Yodgoroy Mirzaeva
-69 kg: Maftunaxon Meylieva
-75 kg: Mavluda Mavlonova

Hamyurtlarimiz 17 iyul kuni Tailand safariga jo'nab ketishadi.