Bellingemga to'lanadigan summa ochiqlandi

Dortmundning "Borussiya" klubi yarim himoyachisi Jud Bellingem kundan-kunga "Real"ga o'tishga yaqinlashmoqda.

Insayder Kristian Falkning so'zlariga ko'ra, "asalarilar" o'z futbolchisi uchun kafolatlangan 100 million evro oladi. Yana 20 million bonus sifatida taqdim etiladi.

«Borussiya» Bellingemni sotishdan 150 million evro ishlab olishni kutgandi, ammo yakunda madridliklar shartlariga rozi bo'ldi. Rasman transfer kelasi hafta e'lon qilinishi mumkin.

O'tgan mavsumda Jud "Borussiya" bilan birgalikda Bundesliga vitse-chempioniga aylandi. U Bundesliganing 31 o'yinida maydonga tushib, 8 ta gol urdi va 4 ta golli uzatmani amalga oshirdi.