Manba: Grizmann «Barselona»da qancha maosh olishi aniq bo'ldi

"Marca" nashri «Atletiko» hujumchisi Antuan Grizmann va «Barselona» o'rtasida tuzilgan dastlabki shartnomaning ayrim bandlarini oshkor qildi.

Manbaga ko'ra, frantsiyalik futbolchi 5 yil davomida "ko'k-anorranglilar" safida jami 105 million evro ishlab topadi. U faoliyatining dastlabki ikki yilida 18 million evro yillik maosh olsa, uchinchi mavsumda — 21 million, to'rtinchisida – 23 million, beshinchi mavsumda esa 25 million evro daromad topadi.

Ma'lumotlarga qaraganda, tomonlar dastlabki shartnomani 11 mart kuni imzolashgan.

Hozirda futbolchining «Atletiko»dagi yillik maoshi 21 million evroga teng. Kataloniyaliklar 28 yoshli futbolchi uchun 120 million evro to'lashadi.