Anchelotti bu narsani tan oldi

"Napoli" bosh murabbiyi Karlo Anchelotti o'z jamoasining "Yuventus"ga tenglasha olmasligini tan oldi.

"Bizda har kim o'ziga motivatsiya berishi kerak. O'zini kimgadir taqqoslash emas, o'zining o'tmishdagi holatiga taqqoslashi lozim. Messi bo'lish uchun genetik tomondan omading kelishi kerak, ammo har kuni mashq qilib, o'sish ham mumkin.

Bu narsa jamoalarga ham taaluqli. "Yuventus"ni ortda qoldirishimz kerak deyishim mumkin, ammo hozir bundan ancha yiroqdamiz. Hozircha turinliklarga tenglasha olmaymiz. Maqsadimiz - oxirigacha kurashadigan amoa tuzish", - deydi Anchelotti.

"Napoli" A seriyaning 17-turidan so'ng "Yuventus"dan 8 ochko ortda qolgan holda ikkinchi o'rinda boryapti.