Felish Ronalduni ortda qoldirdi

"Atletiko" Joao Felish uchun umumiy 126 mln evro to'ladi, ammo "Benfika" 120 mln evro oladi, xolos. 6 mln evro moliyaviy xarajatlarga ketadi.

Shu sababli portugaliyalik 19 yoshli futbolchining transfer summasi 120 mln evro deb qayd etiladi.

Felishning transferi - futbol tarixida eng qimmat bo'lgan transferlar reytingida to'rtinchi bo'ldi.

Undan yuqorida Neymar ("PSJ", 222 mln evro), Kilian Mbappe ("PSJ", 180 mln) va Filipe Koutino ("Barselona", 120 mln) turibdi.

Shuningdek, Felish portugaliyaliklar orasida eng qimmat futbolchiga aylandi. "Atletiko"ning yangi o'yinchisi Ronalduning rekordini yangiladi. Bir yil avval turinliklar uni 117 mln evro evaziga "Real"dan sotib olgan edilar.