"Atletiko Madrid" Rebich uchun 40 mln evro to'laydi

AS agentligining xabar berishicha, 25 yoshli "Ayntraxt" hujumchisi Ante Rebich "Atletiko"ga o'tishga yaqin. Hozirgi vaqtda klublar orasida muzokaralar olib borilmoqda. Transfer taxminan 40 mln evroni tashkil qiladi.

Rebich o'z faoliyatini 2011-yilda "Split" tarkibida boshlagan, ikki yildan so'ng futbolchi "Fiorentina" klubiga ko'chib o'tgan. Futbolchi 2013-yildan beri Xorvatiya terma jamoasida faoliyat ko'rsatib kelmoqda. Rebich milliy terma jamoa bilan 2018-yilgi jahon chempionatining kumush medali sovrindori bo'lgan.

Ma'lumot o'rnida, o'tgan mavsumda Rebich "Ayntraxt" safida 28 ta uchrashuvda 9 ta gol urgan va 4 ta gollik pas bergan.